#nāmelepilimeaʻai: He ʻAi Na Ka Lani

Welina me ke aloha, ʻO kēia ka hiku o nā poke wikiō o #nāmelepilimeaʻai. He pukana wikiō hou kēia ma lalo o #puanapōʻakolu e hoʻokani ʻia ana he mahele pōkole o kekahi mau mele pili meaʻai i hoʻopaʻa ʻia ma nā pāleo ponokalapa o ka papahana ʻo Nā Mele O Hawaiʻi Nei. E maliu mai i nei mele ʻo He ʻAi Na Ka Lani, na Liliʻuokalani i haku a i hīmeni ʻia hoʻi e Eddie Kamae a me ka hui hīmeni ʻo The Sons of Hawaiʻi. – ʻO ka hoʻomau ʻia o nā puana e paʻa nei ma nā mele o nā Kūpuna, ka pahuhopu nui hoʻokahi o ka papahana ʻo Nā Mele O Hawaiʻi Nei. A no laila, mahalo ʻia nā mele i hoʻoili ʻia mai kona ʻano i hoʻopaʻa mua ʻia ma nā pāleo ponokalapa (45, 78 & 33 1/3rpm) a me nā pōkaʻa līpine hoʻokani o ke au i hala aʻe nei, a paʻa ma kona ʻano hou, he ʻāpona leo kikohoʻe. He 14,784 ka huina nui o nā ʻāpona leo kikohoʻe o nā mele Hawaiʻi i hoʻoili ʻia a paʻa ma muli nō o ka lokomaikaʻi o ka Hale Hōʻikeʻike ʻo Bīhopa, Kimo Alama Keaulana, R. Keawe Lopes Jr, the House of Music, UH Mānoa Sinclair Library a me nā puʻuwai hāmama o ka poʻe i waiho i kā lākou mau pāleo ponokalapa a me nā pōkaʻa līpine hoʻokani me Ka Waihona A Ke Aloha. #puanapōʻakolu #nāmelepilimeaʻai #kawaihuelaniHARD #olelohawaii




4 views0 comments

Recent Posts

See All