Welina me ke aloha,
ʻO kēia ka iwa o nā poke wikiō o #kapapamelewahipana. He pukana wikiō hou kēia ma lalo o #puanapōʻakolu e hōʻike ʻia ana he mahele pōkole o ka papahana ʻo Ka Papa Mele Wahi Pana. I mea e ola mau ai nā mele pana ʻāina, ua hoʻokumu ʻia ka papa HAW 483: Ka Papa Mele Wahi Pana [2003-2008]. He papa mele kauwela kēia na ka loea mea mele, na ʻAnakala Kimo Alama Keaulana hoʻi i aʻo.
E nanea mai ka pepeiao i kekahi o nā mele i aʻo ʻia,‘o ia ho‘i ‘o Alawai Hula. Na Alvin Isaacs Sr. i haku i kēia mele a na ia nei nō ho‘i i ho‘opa‘a i kāna mele ma kāna pāleo ʻo Alvin Kaleolani Isaacs & Sons.