Welina me ke aloha, ʻO kēia ke kolu o nā poke wikiō o #kapapamelewahipana. He pukana wikiō hou kēia ma lalo o #puanapōʻakolu e hōʻike ʻia ana he mahele pōkole o ka papahana ʻo Ka Papa Mele Wahi Pana. I mea e ola mau ai nā mele pana ʻāina, ua hoʻokumu ʻia ka papa HAW 483: Ka Papa Mele Wahi Pana [2003-2008]. He papa mele kauwela kēia na ka loea mea mele, na ʻAnakala Kimo Alama Keaulana hoʻi i aʻo.
E nanea mai ka pepeiao i kekahi o nā mele i aʻo ʻia, ‘o ia ho‘i ‘o Roselani Blossoms. Na John Kameaaloha Almeida i haku i kēia mele a na ia nei nō ho‘i, na "John Kameaaloha Almeida with Genoa Keawe's Hula Maids" i ho‘opa‘a i kāna mele.